منتديات بحر العذااب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


نـور المنتـدى بالعضـو الجـديـد محمد
 
الرئيسيةالبوابةأحدث الصورالتسجيلدخول

 

 سلاح الاختلاط.........

اذهب الى الأسفل 
كاتب الموضوعرسالة
Admin
المدير العام
المدير العام



عدد الرسائل : 181
تاريخ التسجيل : 13/06/2008

سلاح الاختلاط......... Empty
مُساهمةموضوع: سلاح الاختلاط.........   سلاح الاختلاط......... Icon_minitimeالخميس يناير 22, 2009 12:33 pm

الاختلاط وما ادراك ما الاختلاط انه سم قاتل ...

انها دوامة لا تنتهي ..

انها خطوات لا تنقطع الا علي ابواب النار ..

استخدمه الشيطان سلاح فتاك

للتبرج والزنا واطلاق البصر والكذب و القتل في بعض الاحيان وفي عقوق الوالدين وإن شئت فقل هو بوابة الذنوب الاولى ...

انا مش هتكلم عن الاختلاط .. عامة لكن نكمل كلامنا عن المواصلات ...

المواصلات ما يحدث فيها ليس اختلاط فحسب ولكنه ان شئت قل إنتهاك للحرمات وبيع للاجساد بثمن بخس ألا وهو 50 قرش .. او ربع جنيه ....

هذا ما اقوله عن واقع نعيشه ...

الواحد دلوقتي ممكن جسمه يكون لاصق في جسم بنت أخرى فقط ب 50 قرش .. يابلاش

واعلم من مرضى النفوس الذين تأخر عليهم سن الزواج من لا هم لهم ولا شغله ولا مشغله غير انه يلف في المواصلات هو اصلا مش رايح في حته لكنه بنص جنيه ولا بجنيه ياخدله دورين تلاته .. جنب النساء ..

الله المستعان .. ( ووالله لا اتكلم عن توقع فانا اعرف من الناس من يفعل هذا )

حديثي اولاً موجه للنساء ثم للرجال ثم للاخوات الملتزمات ...

فنبدء ببسم الله إلتقاط بعض المشاهد ونذكر بأذن الله وتوفيقه بعض الحلول ثم نسمع من الاخوه الافاضل الحلول المقترحه ..

موضوع النساء والرجال في المواصلات ده طامه كبيره سواء بقصد او بغير قصد ..

بقصد يعني : الانسان اصلا منكوس الفطره يبقي قاعد جنب فتاه .. وميبعدش نفسه عنها ولكنه مستمتع بمعصيته هذه ... وساعات بتكون البنت نفسها عادي مش فارق معاه وراضيه بما يحدث ايضاً بقصدها او بمعني اصح بخبثها ... ودول زي صاحبنها الي بيلف في المواصلات وهو مش رايح في حته ..


بغير قصد : يعني اصلا مش في دماغها .. بالنسبه ليها ده ضروره .. هي لا تحب ان يلمسها مخلوق ولو اقترب منها في الشارع احد ولمس شعره منها ممكن تعمل ليه فضيحه بجلاجل ..

لكن المواصلات دي ( من وجهه نظرها او نظره ) ضروره

فمفيش مشاكل انه التصق بها ... او غير ذلك مما لا يرضى به الله ..

يا جماعه الموضوع خطير وفيه انتكاس للمفاهيم .. عارفين . مش احنا نتريق علي الرجل الي ميرضاش حد يلمس مراته ولكنه يرضي بالكوافير انه يمسح شعرها ويشتغل فيه ؟؟ والرجل واقف برا يمنع حد من الرجال يدخل علي مراته ليه ؟ يقولك ممنوع دخول الرجال عشان هي مع الكوافير جوا لدرجه ان بعض الكوافيرات تمنع العريس نفسه لدخول عند زوجته عشان هي مش فاضيه اصل في واحد بيلعب في شعرها ..

الله المستعان . ده واحد منكوس الفطره والمفاهيم .


كذلك ما يحدث في المواصلات بنت لا ترضي مخلوق يلمس جسدها بل وربما تكون ملتزمه لا تصافح الرجال بيدها فسبحان الله .. تظن ان المواصلات تعتبر ضروره بالنسبه ليها ..

وهي بالفعل لا ترضي بما يحدث بس يظهر عليها تعبيرات مكتوفه الايدي ...

ليه يا اخت مكتوفه الايدي .. ؟

يقول لسان حالها ...

انا لامه نفسي علي الاخر بس الرجل ده هو الي تخين
او تقول انا اعمل ايه الكراسي صغيره ؟
او تقول انا طلعت نفسي قدام وهو المفروض يرجع ظهره ورا
تقول هو مش لامسني اوي .

نقول . يعني ايه مش لامسك اوي ؟

تقول .. يعني دي حته صغيره ..


الواحد بصراحه مش عارف يقول ايه الواحد بيشوف حاجات بيكون هاين عليه يصرخ في وسط الميكروباص

انا حديثي مش عن الولاد والبنات الي مش كويسين الي فاكر نفسه في غرفه النوم ومقضيها مع صاحبته وبعد ما تقوله يابني عيب يقولك دي خطيبتي ياعم الشيخ ..

لا لا لا انا مش بتكلم عن دول خالص انا بتكلم عن ناس مش في دماغها المعصيه .. وممكن تكون اخت او اخ ملتزمين لكنهما يظنان ان لمس جسد من لا يحل له ضروره طالما مش بقصدي او طالما دي مواصلات او طالما اصل مستعجل او طالما مفيش مكان او طالما هي راضيه ..

زي مره كنت في مواصلات وفي مكان فاضي جنبي وكانت واحده عايزه تقعد فقمت ليها قالتلي خليك ده هيكون في مكان فاضي كده .. قلت ليها لاء بلاش عشان تقعدي براحتك وفضلت انا واقف جه واحد ربنا يهديه بعد ما انا قمت وراح لازق جنبها .. فبقول ليه حضرتك ده مكاني وانا سيبته عشان هي تقعد براحتها قالي انت مالك اصلا

قلت ليه هو ايه الي مالي في حاجه اسمها دم هي مش عارفه تقعد وانت عاجبك انك قاعد جنبها كده ترضاه لمراتك ...
فقلت للست انتي راضيه انه يلزق فيكي كده .. قالتيلي يعني هعمل ايه يعني هقوله قوم ؟

قلت لا حول ولا وقوة الا بالله .. قلت ليها خلاص براحتك ..

فلاسف الناس شايفه انها بقت ضروره .. وانه عادي
الرجوع الى أعلى الصفحة اذهب الى الأسفل
https://almo7b.yoo7.com
 
سلاح الاختلاط.........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بحر العذااب :: المحب :: المحب الاسلامي-
انتقل الى: